內地女星鄭爽接連被爆婚姻及欲棄養代母所生嘅一對子女，形象見底，更被全面封殺及脫粉，廣告商連番割席，劇集亦冇緣出街。全國「仇爽」情緒高緒，「前夫」張恒更表示自己同一對子女被迫留喺美國，有傳係因母親不配合辦理簽字之故。
喺一切謾罵之中，竟然有航空公司喺呢個時候「送暖」，公開表示等鄭爽簽字，就會免費送張恒同兩個小朋友返中國，但就有網友質疑航空公司係博出名，抽水賣廣告，因為該公司應該冇美國航線。
不過隨即網上瘋傳疑似鄭爽本人經營嘅小號（私人帳號），突然發出一張「肉色打格仔」照片，揚言將於2月11日公布無碼原圖，頓時引發外界瘋猜是否同之前鄭爽爸爸指控張恒「多次出軌、手機錄女生不雅視頻」嘅說法有關。不過該社交網又忽然刪走留言，並指自己唔係鄭爽。
另疑似張恒嘅前女友就喺網上發文，謂：「還好跑得夠早，不然被吃乾淨的就是自己了。」似乎在影射曾傳出張恒用鄭爽錢。發文又直照顧兩個小朋友本身就係張恒基本責任，而唔係為立好爸爸人設去做。
來源 source: http://hk.on.cc
|
鍾意就快D Share啦！
|
|
|
