近日姜濤成為娛樂圈紅人，尤其他獲得「叱咤樂壇我最喜愛的男歌手」及「叱咤樂壇我最喜愛的歌曲大獎」後，網絡上對他有不少討論，更引伸對香港樂壇、廣東歌、以至香港的流行文化的討論，就連港台節目《視點31》今日亦找來資深傳媒人盧覓雪及荃灣區議員岑敖暉，講年輕人追夢及探討一下「姜濤效應」。
他們先從姜濤在「叱咤」得獎作討論，盧覓雪說︰「佢得獎我完全諗唔到，呢個賽果就要睇返個機制，佢贏係合理。」至於岑敖暉就認為︰「睇2020年嘅環境脫離唔到政治，民眾對政治期望，有好多香港人喺呢個制度下被限制，對流行文化係一種情感嘅宣洩，不論《全民造星3》定《叱咤》嘅討論，邊個係真誠？邊個最貼近大眾。」當中他們提到梁祖堯、林二汶等，指他們是令人感到真誠的藝人。
主持人問到90後的岑敖暉，現今世代的年輕人，追夢有幾困難？他說︰「我哋想行一條自己嘅路，而唔係人哋搭畀你嘅路，而且呢條路係同極權有關，面對呢個高壓政治環境下，我哋年輕人係咪有機會行到屬於自己嘅路？呢兩星期令我有信心講，喺流行文化係有機會。」至於盧覓雪就聯想到看外國體育節目，往往有位歌手領唱國歌，而香港甚少有這類場面。她還舉例，如果畫面是姜濤獻唱國歌，外界會有咩反應，岑敖暉即插口說︰「咁佢即刻玩完。」盧覓雪即反駁他︰「你覺得佢玩完啫，但係可能有人會覺得佢係有為青年，香港有救。」
當主持人提到周柏豪早前表忠時，岑敖暉坦言︰「我係幾接受唔到對極權靠攏嘅藝人，因為流行文化同社會係脫離唔到關係，香港經歷過2019同2020年我哋對極權抗拒的話，一個文化人或藝人向極權靠攏，香港人係會反感。正如我講如果姜濤唱國歌的話會玩完，我相信佢嘅fans唔係愛國小粉紅。」在旁的盧覓雪則抵死地說︰「放心，唱國歌唔會輪到姜濤，係都周柏豪、楊千嬅唱先」
談到藝人是否需要政治表態？曾當過藝人經理人的盧覓雪就表示，這類尷尬處境只有在香港發生。她指出如姜濤由於有機會、有人支持及有收入，他甚至可以打入韓國或外國市場，其實不需要表態都能夠成功。岑敖暉就認為藝人必需要以香港人做出發點，當香港遇到掙扎時刻，藝人是選擇與大家同行，還是去有更多賺錢同曝光機會那邊靠攏，他疑惑究竟2021年，香港還有沒有與香港人同行的藝人。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|