平日坐唔停的伍詠薇，今日突然在社交網貼出左腳受傷的照片，她去看了跌打，左腳足踝包成「豬蹄」，伍姑娘更幽默留言：「是日精選，心急惹的禍!」網民和友人紛紛留言問候。
伍姑娘今日回覆傳媒，她提到受傷始末：「兩星期前，我去酒樓同人開會，我去完洗手間，用抹手紙隔着拉開門柄，諗住用頂住度門出去，疫情要小心啲嘛，點知開門時我睇唔到有一級樓梯，我係咁叉錯腳，以為只係拉親條筋。我返出去坐低繼續傾嘢，枱布下仲除咗對鞋暗暗捽腳，點知一直都唔好，一直隱隱作痛。今日扚起心肝去睇跌打，醫師話我其實唔止拉親條筋，係左腳外踝骨移位，同我放咗藥。醫師仲睇埋我右膝舊患，佢話我右膝外腓骨移位，所以每次行山後都會痛，醫師同我整咗係好啲，下星期有時間要再覆診。」伍姑娘表示雖然雙腳都有傷患，要多休息，不過近日仍有工作都要外出，伍姑娘謂盡量小心照顧自己。
此外，周秀娜前師妹唐紫睿（Hazel）昨日貼出留院照，今日自爆耳朵做了3小時手術，主要是切除乳突和耳膜聽骨重建，她留言：「由發病（耳仔流水）到搵專科醫生做手術，3個禮拜搞掂，原來中耳裏面有個計時炸彈，自己唔知，隱性病，好彩係發現得早，本來唔太想po張相嚇人，但想勉勵一下打緊逆境波嘅朋友仔（包括我自己）。痛苦，疾病與折磨也是人生必經之路，生老病死也只是過程而不是終點，遇到要打大佬嘅時候就要勇敢面對，要比平時堅強精靈一百倍（我只係喊咗一次咁多）。」Hazel做完手躺在床上都打長文貼IG，分享自己心情，事後都感到疲倦，她又說：「打咁多字有啲頭暈，我要做個乖少少嘅病人，bye.....你哋嘅打氣我收到晒!」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|