不認不認還須認！
古語有云「未夠3個月唔講得」，怕BB小器！唔少藝人懷孕初期都冇對外公開，好似藝人胡杏兒喺剛過去嘅聖誕宣布懷有第3胎，其實較早前參加內地綜藝節目時已佗B，但因為唔想有「特權」而瞞孕，加上疫情下四處奔波要隔離，真係唔容易嘅事，難怪老公Phil大讚佢係超級老婆、超級媽媽、超級職業女性及演員。
講到瞞孕最成功，一定非陳嘉寶莫屬，第1胎佗B半年先宣布懷孕，大肚依舊面尖零水腫、手腳纖幼，基本上唔講冇人知，佗第2胎仲低調，直頭生完都冇人知！
有時懷孕對藝人嚟講較敏感，尤其怕與「奉子成婚」掛鈎！余香凝去年10月被東網率先爆未婚懷孕，翌月閃嫁圈外老公陸政渡，直到聖誕節終於承認有喜，準備做人媽媽。
來源 source: http://hk.on.cc
|
鍾意就快D Share啦！
|
|
|