林峯同羅力威今年齊齊榮升做爸爸。藝人林峯去年榮升爸爸，太太張馨月為佢誕下一女，今年係佢哋同囡囡第一年過新年，張馨月就喺社交網晒一家三口全家福，並留言： ...
藝人林峯去年榮升爸爸，太太張馨月為佢誕下一女，今年係佢哋同囡囡第一年過新年，張馨月就喺社交網晒一家三口全家福，並留言：「祝大家新年快樂，身體健康，一發不可收拾。」見佢哋兩公婆情侶裝上陣，同樣着上粉藍色衫襯到絕，而囡囡就紅噹噹兼戴住黃色髮帶搶晒鏡，不過其樣貌就繼續用公仔圖案遮住，暫未曝光。
另邊廂，同樣第一年同小朋友過年嘅仲有雨僑及老公羅力威，佢晒出一家三口合照，表示：「各位新年快樂！萬事如意，身體健康！」見囡囡着上桃紅色大衣，再配埋花花頭飾，非常可愛。
