新增內容
現年70歲藝人吳孟達早前證實爆患上肝癌，有消息指吳孟達前晚已轉入ICU，情況危殆，醫生已通知達哥的家人到醫院見他最後一面，好友田啟文、艾威等正趕往醫院。今午1時許，艾威抵達沙田仁安醫院，問是否探望達哥，他說：「係，佢喺ICU。」是否見最後一面？他點頭說：「係。」便匆匆上病房。
田啟文今日接受《蘋果》電話訪問，透露已跟吳孟達家人商討處理身後事，他說：「佢依家已經冇乜反應，醫院Call晒屋企人，佢現在進入一個彌留狀態，好多情況都未知，屋企人已經亂晒籠，我都同佢企屋人夾緊，現在趕去醫院。」有沒有通知圈中朋友見達哥最後一面？他說：「我冇通知，驚搞到好亂，我都冇晒反應，唔想搞到場面好失控。現在大家都有晒心理準備，佢屋企人當然唔開心，達哥媽媽都專登返嚟去醫院睇佢，所有屋企人好傷心，喺佢身邊陪住佢。」
吳孟達在約兩個月前已完成切除手術，並進行化療，但近日情況轉差，要每隔4小時打一次嗎啡止痛，但已起不到作用，要將檸檬放上手不時「舐一舐」，以刺激口腔分泌口水。達哥不停向來探望的好朋友講：「好痛、好辛苦」。吳孟達在七年前曾因為心臟衰竭送入醫院深切治療部搶救，其後康復出院。走出鬼門關的達哥，最近卻在為內地電影《少林寺之得寶傳奇》拍攝海報時，突然感到心臟不適，用手按着心口，痛苦得臉容扭曲。
艾威今午到醫院探訪，逗留約一小時後離開，他透露：「因為佢啲屋企人同摯友親朋個個做晒核酸，我哋只可以上去見一陣，唔可以逗留，所以見完佢都係返屋企先。（佢情況係點？）其實情況……大家都知，唔係太樂觀……（即係有心理準備？）係。」
艾威表示，因為有位好好嘅朋友一路陪伴，自己也是收到達哥方面通知才到醫院探訪：「由佢一個月前喺澳門留醫嗰陣時開始，一路留醫陪住，大約一個月前到啦，佢微信講『保持聯絡，你搵唔到我㗎喇』。」艾威又指，其實達哥之前已經做過一次化療：「佢話第一次打贏咗，跟住唞唞再做第二次，咁我喺呢段期間我每一日都發個加油嘅公仔畀佢啦，都唔想佢咁辛苦，又要覆短訊各樣，唯一可以做到嘅嘢就係幫佢打氣。」
艾威另證實達哥已插喉，而嗎啡已在日前注射，現時打了強心藥。至於達哥是否昏迷，艾威形容對方為「瞓着覺咁啦，又不至於冇晒反應，但又唔係聽到嘢咁啦，可能瞓着咗」。
達哥先後與3名妻子育有合共5子女，艾威指達哥的太太及兒子都有陪伴在側，弟妹亦在場，但就未見到達哥母親。艾威最後祝願達哥可以「大步檻過」，他自覺沒有甚麼可幫得上忙，但願意提供協助；他不忘讚達哥好人：「佢之前太好人，所以好多好朋友都撐佢！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|