現年36歲的張致恒（Steven），上月被揭欠嫩模Naomi、阿Bob和張彥博的債，最近更有指在他的元朗村屋住所外，被貼街招追債，信箱塞滿追債紙張和信件，Steven連電話亦停用，懷疑潛水「著草」。
但有讀者向《壹》仔報料，指雖然Steven欠下一身債，但卻有錢搬新屋，而且愈搬愈豪，新居是靚裝新村屋，他住地下700呎單位連大花園，星期四（25日）見他帶妻兒輕鬆步出新居，開心打的去shopping！
月租接近2萬
月租接近2萬
據Steven的舊鄰居表示，原來上月他已經靜悄悄搬屋，不過他搬走後，仍然有人在屋外張貼街招追數。街招以他一家三口的慶生照片，寫上「老千」和「還錢」字眼，債主明顯不知道他已搬遷。其實他已經由元朗大棠搬往石崗，同樣租住村屋，但新居更新更豪華，他租住地下單位，室內面積700呎，還有數百呎漂亮花園，月租接近2萬。
早前Steven表示，不搬返父母的公屋老家居住，全因太太雯雯養了3隻狗，而屋邨不准飼養。但據知而雯雯以前都是住在公屋，相對現時他們有個大花園，生活環境絕對是更上一層樓。
即使免佣，兩個月按金加一個月上期，還有搬屋雜費，搬屋真的花費不少，一身債務的Steven，可能「財來自債主」。難怪債主之一的Naomi認為：「佢全家用緊其他人嘅錢，去維持自己嘅好生活！」
打的去買玩具
打的去買玩具
被貼街招追債後，Steven停用手機避債，惹來「著草」之嫌。但一直「潛水」的他，星期四（25日）忍不住揹住大仔，與太太出外購物。他們由新居步出，接著乘的士到元朗逛街購物。其實村口有巴士，亦有專線小巴，交通算方便，不過Steven表示要好好照顧妻兒，所以當然是乘搭的士Steven更表示，兩名兒子的玩具和衣服，很多都是他們的婆婆和朋友送贈的。不過，當日他們剛跳下的士，便前往選購玩具給兒子，買了一輛價值169元的車仔給他。
寵物愈養愈多
寵物愈養愈多
之後他們繼續四處shopping，先到寵物店買東西給3隻狗，然後又到水族店購物。Steven指太太已養了三隻小狗5年以上，但鸚鵡和烏龜等小動物，則是他在近年才開始飼養。賺錢不多，要養妻子及兩個仔，寵物又愈養愈多，未能開源，卻也沒節流。
為一群寵物入完貨，一家三口再前往選購家品和食物，雯雯突然「家電癮」起，去了睇家電，幸好齋睇冇買。事實上，早前被揭欠債，但雯雯還繼續購買不少電器，當時Steven解釋，太太是以電話儲下的積分換領，那麼她在電話方面的消費也頗厲害喎！
當日血拼期間，雯雯到櫃員機提款，似乎負責揸數。之後他們在元朗左逛右逛，最終逛了兩個多小時，買滿一架購物車才乘的士回家。
早前被揭欠債，Steven表示照顧一個家庭壓力非常大，他亦努力地重新做人，希望大家可以給予機會和時間，他一定不會再令大家失望。
言猶在耳，他卻「潛水」避債，秘搬靚屋，看來真的要好好控制開支，全家都要節儉一點了。
Naomi：承諾還錢後失蹤
Naomi：承諾還錢後失蹤 據知Steven有不少債主，其中一個是他的多年好友兼同學Naomi，她表示Steven仍未還清欠款，而且他的債主甚多。
「咁借法，我都應該收唔番，早前報導出街，佢有還過小部分，之後承諾嗰個星期內會再還錢，但之後就失蹤。佢個電話唔通，同埋佢有講過話過年後會返大陸，然後就會有錢，但佢返咗大陸之後，我就更加搵唔到佢。」Naomi無奈地說。
對於Steven債務纏身，但卻愈住愈豪，Naomi則表示：「有花園呀？我自己都冇喎！我當然會好嬲啦，因為佢仲唔還錢畀我。如果佢可以搬去一個有花園嘅單位，代表經濟無問題，手頭都好鬆動，我只聽過其他人會愈搬愈細，如果冇錢嘅話，點會愈搬愈大？我覺得佢應該快啲還錢畀我囉！」
Naomi和Steven是中學同學，她覺得Steven已經變質。
「真係覺得佢已經變質，認識佢嘅時候係2001年，大家都係學生，佢個人都好好嘅，有好多朋友，或者好受朋友歡迎嘅一個人，我無諗過佢會變成咁樣。雖然之前可能有好多桃色新聞，但都會選擇做佢嘅朋友同埋支持佢，因為本身覺得佢人品並唔係太差，只係沉迷女色方面比較有問題。但到今日我可以講，呢個人嘅人品係好差，同我當年中四以同學身份認識佢嘅時候，完全係兩個人，好似根本唔認識呢個張致恒，我認識嘅都唔係佢，佢真係好好戲，扮好人扮得好好。」 ![Naomi跟張致恒是中學同學，認為他近年變質了。]()
- Naomi跟張致恒是中學同學，認為他近年變質了。
覺得Steven扮窮 問到是否覺得Steven扮窮，Naomi直言：「係呀，因為佢講到佢間屋有個花園喎。同埋報導出街當日，佢係可以還到錢俾我，有過數畀我。如果本身真係山窮水盡的話，點會報導出街後打電話畀我，然後下午就可以還錢畀我？我覺得呢方面好無稽。」
Naomi話不認識Steven老婆，「唔識，唔會認識呢啲唔工作，然後攤大手板問人攞錢嘅人，唔會係我嘅朋友。同埋佢唔係一位千金小姐，本身只係住喺屋邨，我唔覺得佢需要升呢去到呢啲位置。當然唔可以棄養啦，但唔可以用動物去做藉口，令自己可以去過咁好嘅生活。」
Naomi這麼氣憤，皆因她自身難保，她開設的美容院受疫情影響，一直入不敷支。
「生意未好番，大家都知道美容院冇開門兩個月，而家所有預約都係做番之前買咗療程嘅客人，但仲未有新客人會消費，因為大家都擔心美容院會再停業，唔知道要再等到幾時，所以無咩客人願意消費，所以我哋都未有收入，而家仲係支出緊。
至少佢還錢後我都可以用嚟交租，因為自己租屋住，另外舖頭亦要交租，其實本身孭緊兩份租。之前食飯方面都係去男朋友屋企黐餐，會去佢屋企食飯，慳番啲晚餐費，佢哋加多雙筷，都好多謝男朋友屋企人嘅幫忙。」
事實上，Steven向來借錢度日，Steven戀上現時太太雯雯的時候，已有同居藝人女友April，但他跟雯雯「搞出人命」，April被飛。分手時，April向他追討10萬欠款，他向好兄弟Kenny和Yumiko撲水還債。
當時Steven亦要向兩位「女友」C小姐及S小姐還債，都是借了她們數千元，多有多借，小數目亦不放過。
現時做了爸爸，Steven真不應將養家的責任，建立在債主的痛苦上，慳啲使 ![除了養魚，張致恒近年養龜、鸚鵡，老婆本身又有3隻狗，愈養愈多，養寵物花費不少。]()
- 除了養魚，張致恒近年養龜、鸚鵡，老婆本身又有3隻狗，愈養愈多，養寵物花費不少。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- Naomi跟張致恒是中學同學，認為他近年變質了。
- 除了養魚，張致恒近年養龜、鸚鵡，老婆本身又有3隻狗，愈養愈多，養寵物花費不少。
來源 source: http://nextplus.nextmedia.com
|
鍾意就快D Share啦！
|
|
|