麥明詩舊愛林作辣着「百億富三代」鍾培生，引發一場百萬搏擊擂台賽，鍾培生表明已定好合約，只欠林作動筆，而今日林作亦正式宣布答應出戰，佢喺社交網晒出着上一身唐裝嘅照片，見佢拉開衩位騷出甲組腳，雙手緊握做出「敬禮」姿勢，似乎鬥志旺盛，佢留言：「各位，本人正式宣佈（布）：我接受挑戰。詳細資料需要和鍾生夾下，請大家稍候。我從未龜縮過。我係林作。打殘鍾培生計劃，由今日開始。」而鍾培生亦火爆回覆指：「Sign the fxxking contract , no bullsxxt, let's go.（快簽合約，廢話免講。）」
對於林作曾將其姓氏「鍾」打成「鐘」，鍾培生豪言：「我會打到你記得我個鍾字點寫」，又揚言：「我從來唔打女人，你將會係第一個。」充滿火藥味。
而林作則重提去年鍾培生的名車座駕慘被P牌車撼爛，笑指：「今年，鍾生將被P牌第二次KO，終於賠上生命。」意指自己這個新手能擊倒對方。而林作接受東網訪問時，明確表示最快明日（22日）簽約：「我聽日同佢談判，最快聽日都可以簽，肯定有啲條款要大家研究吓，可以咪爽手囉，但係我作為前大律師都要搞清楚呢啲嘢要，會簽嘅！」
來源 source: http://hk.on.cc
|
鍾意就快D Share啦！
|
|
|
