好感動呀！
藝人鍾嘉欣最近經常拍片更新個人網上頻道，呢日佢邀請一名粉絲Queenie一齊聚餐，嘉欣稱對方係逾10年超級忠粉，專一程度勁過男朋友。佢續指對方以前經常到各大頒獎禮現場守候，為佢打氣：「每一年你哋（粉絲）都希望我攞到獎，但最尾好多時候我都冇攞過獎，但一出嚟見你哋舉晒牌，又自製個獎狀畀我。」當佢得知對方曾為佢通宵排隊，只為搭第一班車到場霸頭位舉牌時，大感震驚又感動。
講到最難忘回憶時，嘉欣指2013年舉辦第一個演唱會係為回饋歌迷，回想過去努力打拚嘅點滴，期間忍唔住幾度感觸落淚，佢表示：「因為做咗娛樂圈咁耐，真係唔容易，好多時候自己一個人喺香港，冇家庭、冇親戚喺度，所以有粉絲支持係好開心.....以前見你哋咁細個，依家變到咁大個，我又結完婚，仲生埋仔，我走咗咁耐，已經5年冇返嚟，點知你哋仲喺度，照計跟咗第2個，或者大個已經有自己生活。」
來源 source: http://hk.on.cc
|
鍾意就快D Share啦！
|
|
|