2021年3月10日星期三

【遊戲終結者】同全汝彬澤演玩黑手黨遊戲宋仲基唔識玩直接放棄 #宋仲基

【遊戲終結者】同全汝彬澤演玩黑手黨遊戲宋仲基唔識玩直接放棄

宋仲基唔識玩黑手黨遊戲，搲晒頭之餘仲大放笑料。

韓劇《黑道律師文森佐》（Vincenzo）上月首播，劇集講述黑手黨律師以邪制惡，最新一集收視急升至11.082%，創劇集新高。

韓國Netflix日前邀請到三位主角宋仲基、全汝彬及澤演玩「黑手黨」遊戲，遊戲類似於「誰是臥底」，參加者需輪流形容一個名詞，當參加者的字條上只寫有「黑手黨」三字，就不能被發現，需憑其他人的形容猜出答案；反之其他人不能讓黑手黨猜到該名詞。

製作組說明後，宋仲基依然一頭霧水，澤演出手再解釋都係無補於事！唔識玩嘅宋仲基鬧出大量笑料，第一輪更成為黑手黨兼要第一個出聲，零提示的他竟直接講出答案「米蘭」二字，令全汝彬和澤演爆笑！第二輪宋仲基繼續抽中做黑手黨，即使其餘兩人說出「在鄉下會見到」、「可以建屋」等等，宋仲基都係聯想唔到答案「稻草」，仲自揭身份直接放棄。宋仲基在劇中懲罰人渣，型仔又霸氣，現實中就傻更更，反差夠晒Cute。