樓上來的聲音，張學友首歌就話好聽啫，如果係恐怖梵音，你都咪話唔驚！話說大圍嘅公屋顯徑邨顯慶樓，有人投訴某個單位，喺呢半年嚟凌晨時分，經常播出誦經、喃嘸歌同打齋嘅聲音，勁擾民又嚇人，《東張西望》派出主持何沛珈（前名何孟珊）上門調查！
有街坊話呢間屋嘅人，差唔多晚晚喺度播恐怖聲，有時仲會被嚇醒，最離譜嘅係佢哋年初一都唔放過，繼續喺度播！街坊試過向管理處投訴仲報埋警，警察上門時佢哋就會閂咗音樂，等警察一走，佢哋就繼續播，真係夠晒堅持！
何沛珈大無畏踩上該單位拍門採訪，佢企喺屋外提問，但得唔到回應，而佢聽到單位內其實係有人！節目組採訪完之後幾日，情況有改善，恐怖梵音都停咗幾日，但過咗一排之後，該單位就繼續播番恐怖音樂！真相究竟係點？真係冇人知喇！
來源 source: http://hk.on.cc
|
鍾意就快D Share啦！
|
|
|