【林鍾一戰】討論區開Po引千人發問 鍾培生揚言輸咗下跪認林作做契哥
「富三代」鍾培生和林作將於9月舉行「百萬擂台戰」，掀起全城熱話！二人未埋身肉搏已率先展開口水戰，由網上鬥到去記者會，原本坊間一面倒恨睇鍾培生教訓林作，不過近日卻形勢逆轉，事關於記者會上面對鍾培生的連環狙擊，林作仍表現從容，結果獲網民大讚EQ高、轉數快，支持者隨即大幅急升！近日，鍾培生就以網名「鍾培生Derek」在討論區發文，在短短一個半小時間更引來過千人留言，可惜負評比正評居多。
鍾培生留言：「首先多謝大家關注同熱烈嘅討論，也很高興有一班支持者，同時也體諒有一班Haters。都想回應一下部分連登仔覺得我輸咗，連登仔逢紅必反，逢反必紅，多謝你哋幫我燈埋林作。」又指這場拳賽一定會搞得好成功，觀眾都會睇得好開心，保證是香港有史以來最高水平的拳賽製作，並謂將邀請勁多「好高質嘅嘉賓」演出，亦會推動香港拳擊，讓他們名利雙收，最後他說：「最重要係我將會K.O.林作。」更強調：「最緊要嘅係我高過167cm。」
其後他在討論區一一解答網民的問題，而大家較關注的是其EQ、比賽是否有門票出售等。當中有網民更直接問：「鍾生其實你係咪暗啞低（底）同林作做場Show？」亦有人相當關心拳賽後續：「鍾生，如果林作贏咗你會有咩反應？會再同佢打多場定點？」鍾培生即大方回應，更揚言：「如果林作打贏我，我拍片跪佢叫佢契哥，跪埋你地（哋）又點話！」隨後，林作亦在社交網轉發該截圖並寫下「咪走數」三字，而二人也分別貼出各自練拳的片段，積極備戰。
來源 source: http://hd.stheadline.com
|
鍾意就快D Share啦！
|
|
|