林二汶自認搏姜濤懵 又拖又摸：我行使最喜愛女歌手福利｜全場姜糖尖叫
- 發布日期：2021-03-28 14:44
已複製
林二汶昨晚（27日）起，一連兩晚在紅館開騷，頭場請來姜濤及《全民造星III》冠軍Ben（趙祥誠）擔任嘉賓。
姜濤一出場，全場雌性動物尖叫，二汶叫姜濤扮在「叱咤頒獎禮」奪「我最喜愛男歌手」時的O嘴表情，站在台上的他緊張到咬唇，非常搞笑。
二汶更得戚地說：「既然我攞到最喜愛女歌手（叱咤），咁我梗係行使最喜愛中女女歌手嘅福利，去搏嗰啲小鮮肉懵」說時掃姜濤手臂，全場尖叫聲不停。她笑說：「你睇，在場嗰啲姐姐幾羨慕我！」
之後二汶繼續向姜提出要求，望著他說：「我哋喺安全情況下攬一攬，你知唔知點攬？」姜濤顯得有點緊張，回答：「點攬呀？」
二汶表示：「一個好深情嘅對望就得喇！」之後二人四目交投，姜濤忍不住笑，沒全程望足她，二汶投訴：「你攬少我一下！」
然後二汶再出招：「我畀30秒你讚頌我！」姜濤有禮的說：「多謝二汶請我嚟做嘉賓，你好靚！」全場觀眾大笑。
二汶滿意了，笑說：「唔！重點！我都多謝你做我嘉賓。如果我有遠見，我生得你出。」
接著她說：「你畀隻手我。」之後她牽著姜濤，合唱《蒙着嘴說愛你》和《非常夏日》。
昨晚是已故的@17拍檔Ellen生忌，二汶特別邀請Ellen父母睇演唱會。想起Ellen，讓她非常感觸，唱出《今生不再》及邊彈結他邊唱出由Ellen負責曲詞的《大姆指之歌》，二汶更一度哽咽甩嘴，令人動容。
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
