滄桑笑臉晒父子情 張致恒「露面」賀大仔2歲生日
張致恒（Steven）早前被Naomi（馮鎵瀠）公開追債，隨即被傳債主臨門，更被發現搬離舊屋，失去聯絡的他被指着草走數。隨著老婆雯雯在社交網發文否認走佬，及情緒不穩連續發文放負後，Steven才更新社交網，發文強調「冇走數冇着草」，並跪求放過老婆及其家人。
自今年2月貼一家四口賀年照後沒再露面的Steven，今日凌晨貼上與大仔天寶的笑臉合照，原來為祝囝囝2歲生日。照片中Steven留有黑白鬚，跟天寶頭貼頭笑不攏嘴，滿臉滄桑卻又滿載慈父的模樣。留言：「我個臭寶終於兩歲啦🤩突然間好感觸，生日我唔喺佢身邊，當我離開屋企之後老婆同我講佢就唔開心咗好耐又唔肯食飯，個心真係好痛，但係冇辦法始終一個家庭要努力先至維繫到，一日一日咁大，佢一個字一個字咁講出嚟，嗰種感動係喺哩（呢）個世界搵唔到嘅，只有做父母先會感受得到，而（依）家我嘅目標只係想盡快還晒啲錢，同埋俾（畀）一個健康又舒服嘅環境佢哋兩個成長，任何人攻擊我嘅說話，我都會當係對我最好嘅強心針！張天寶，爸爸永遠都會咁愛你 生日快樂呀」。
來源 source: http://hd.stheadline.com
|
鍾意就快D Share啦！
|
|
|