林作媽帶古天樂、吳君如媽咪觀賽打氣：我而家要搞靚啲皮膚等出鏡│組星媽隊撐「林鍾大戰」
- 發布日期：2021-04-10 15:00
已複製
鍾培生與林作的「林鍾一戰」鬧得熱烘烘變城中話題，擂台戰更鐵定於9月舉行，除二人開始密密操練迎戰，更有不少人加入「戰團」，事關這個大騷，除二人外，還會邀請人氣YouTuber、當紅樂隊做表演嘉賓，甚至有兩台藝人對戰，最貴票價暫時擬定為3萬大元。
「林鍾一戰」如漣漪效應不斷擴散。林作雖指媽咪未當一回事，以為「玩玩吓」。但兒子跟鍾培生對壘，林作媽其實早有準備，日前她出席被圈中人稱為隱世美容院的「晨琦坊」活動時，便揚言因組明星媽咪隊出席比賽，故要把握時間，極速將皮膚變靚準備當日出鏡，實行跟林作同步做好裝備：「阿Joe不嬲做嘢都係咁認真，要做就要做到最好，所以我覺得佢一定贏，身邊好多朋友都話要嚟睇，幫阿Joe打氣，好似早排同古天樂媽咪、吳君如媽咪同埋佘詩曼媽咪食飯，佢哋都話要買飛撐林作，到時我哋媽咪隊一定出埋鏡，所以而家開始要扮靚啲，小虹姐(美容院老闆娘)係朋友，佢一定會幫我搞到容光煥發。」
這間美容院在圈中早已很有名氣，不少城中名人明星都有光顧，其中包括白韻琹謝偉俊、不老港姐女神吳婉芳、亞姐李妮以及十優港姐麥明詩在參賽前，就頻頻拍到出入美容院，取得冠軍後，更感激到要戴后冠跟老闆娘影合照。
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|