Yumi細細個就鍾意食朱古力，所以有蛀牙問題。
藝人尹蓁晞（Yumi）出席復活節朱古力活動，鍾意食朱古力的她，自言唔開心時可以吃掉一盒，故自細有蛀牙問題，早前成功減磅，現時體重56kg，目標再減多2kg，就可以着比堅尼騷身材。
早前參加口罩小姐選舉，被主持批不專業，一早被foul出局，她解釋第一次做真人騷無經驗，自認天然呆。問到覺得自己輸在哪方面？她說：「臨場表現唔好，轉數唔夠快，準備差少少，唱歌不嬲麻麻哋，唔知主持問我乜。（唔了解主持？）主持問我知唔知佢哋個人性格，嗰刻腦一片空白，因為我第一次見佢哋，會錯意，講唔出，畀人覺得唔尊重，我係知佢哋，但講唔出特徵。」她表示已反省，自言豁達，會再參加其他真人騷，下次會好好準備。
她承認收到不少批評，大多批評她肥，她說：「我接受缺點，我真係肥，不過參賽者都有人肥過我。」提到早前做台灣節目的助理主持，反而港式普通話令觀眾受落，覺得好笑，現時會多做直播。
來源 source: http://hk.on.cc
|
鍾意就快D Share啦！
|
|
|