2021年4月27日星期二

【○氹囡高手】自爆有喜感成日○氹囡開心郭富城期望挑戰喜劇 #郭富城

【○氹囡高手】自爆有喜感成日○氹囡開心郭富城期望挑戰喜劇

新片《秘密訪客》中，城城角色好高冷沉鬱，好彩靠兩個天真可愛嘅寶貝女，返到屋企情緒好快得到平衡。

由何正道執導，郭富城與許瑋甯、段奕宏等演出的電影《秘密訪客》將於5月上映，戲中城城飾演沉鬱爸爸，帶出一個不尋常家庭的懸疑故事。不過，郭富城聲稱盡量不會將戲中的情緒帶回家，幸而每當見家中兩位「前世情人」大女Chantelle及細女Charlotte，情緒就可以回到正常狀態。反而是當年拍攝《殺人犯》時最難抽離，花了比較多時間沖淡，之後在宣傳期時也不時發殺人嘅夢，最終以最愛的賽車嚟分散注意力，等宣傳期過後再慢慢抽離。

自爆有喜感成日○氹愛女玩

《秘密訪客》係講喺一間大宅中發生嘅故事，大隊在韓國拍了2個多月，正因為故事圍繞着一家人，故有很多場食飯戲，城城笑謂戲中的菜式都是由廚師下廚，拍戲多年都未試過食到熱辣辣好味的餸菜，就算是NG都不停食，最記得有場是食牛排，廚師慢煮了24小時。他自爆有興趣拍喜劇，可惜近十年都沒有機會：「我冇偶像包袱，做演員乜都可以試吓，而且我有喜感，喺屋企成日○氹佢哋(啲女)開心。」

預言今年舉行全新演唱會

兩女之父郭富城由以往熱愛賽車，近來愛上書法和畫畫，早前就被太太方媛（Moka）公開他的墨寶，不少網民大讚不錯，城城表示，去年因為疫情多了時間在家，身邊又有畫家朋友，受薰陶下都有收藏畫作和書法，有時間就上網看畫畫教學，之後又找了老師學習。問到老師對他的評價？他說：「𠵱家仲喺度學緊，其實天份人人都有，最重要係勤力練習，大寶(大女)𠵱家都有習作要做，我會教佢寫字。」對於喜好由動變靜，城城笑謂是因應時勢，疫情下不能去賽車。他又透露今年會舉行演唱會，但日期和場地都保持神秘，形容會係一個全新嘅演唱會。