2021年4月27日星期二

【好傷心】音樂會前夕愛犬突然離世劉威煌：Jumbo會守護住我 #Jumbo #劉威煌 #曾淑雅

【好傷心】音樂會前夕愛犬突然離世劉威煌：Jumbo會守護住我

陪伴劉威煌夫婦8年的愛犬Jumbo喺音樂會前夕突然離世，他坦承心情一定有影響。

昨晚劉威煌為本周五晚假旺角麥花臣場館舉行一場嘅《Rebirth音樂會》綵排，他說開騷在即忙着分配門票，冇時間緊張。不過，威煌最開心見疫情緩和，政府由原先5成入座率放寬至7成半：「其實我喺半年前係預咗100%入場率咁就唔使蝕錢，若得5成要倒貼，雖然樂手都有人工出，但唔會市場價。𠵱家放寬至7成半咪大家開心囉。」問他會否加場?他坦言不敢搏，一場已經好滿足，做人不要太貪心，如果加開一埸得3成入座率會好冷清。今次他為音樂會刻意減去20多磅，笑言得返排骨，唔打算騷肌。

另外，陪伴他8年嘅愛犬Jumbo最近突然離世，他哀傷說心情一定有影響：「大家好鍾意Jumbo，原本Jumbo會係音樂會嘅嘉賓，𠵱家惟有喺音樂會當晚唱歌送畀佢。他無奈說：「一個月前同佢做咗全身檢查，醫生仲話Jumbo健康到爆，所以突然離開真係接受唔到，當日家傭發現Jumbo暴斃後，我抱起Jumbo已經冇咗心跳。」追問Jumbo嘅死因?他表示沒有解剖，故唔知道。目前他要做好個騷，因為台前幕後有百幾人，唔可以太自私：「希望Jumbo會守護住我。」