歌手鄧紫棋（G.E.M.）近日為宣傳新歌《超能力》，發起跳舞挑戰，除咗獲天后容祖兒拍片力撐外，其好友何超蓮及李蘊日前亦落力支持，其中着上T-Shirt ...
歌手鄧紫棋（G.E.M.）近日為宣傳新歌《超能力》，發起跳舞挑戰，除咗獲天后容祖兒拍片力撐外，其好友何超蓮及李蘊日前亦落力支持，其中着上T-Shirt、運動褲兼素顏上陣嘅超蓮事前多加練習，正式挑戰時雖然稍為甩Beat，但勝在靚樣搭夠。
至於女團出身嘅李蘊，就跳得非常投入，佢更紮上孖辮並着上絲質背心裙，少女感爆燈，完全睇唔出已為兩個小朋友之母。不過有網友指鬆身裙上陣嘅佢「孕味濃」，及後佢澄清並非再度懷孕：「哎呀，點搞呀？睇完條片啲人以為我又有咗，真係大件事，第一：減手臂，第二：下次唔好着咁鬆，哈哈哈哈，笑死人啦真係。」
