2021年4月18日星期日

隔離中獨自開P過31歲生日吳業坤：我會繼續隨波逐流 #吳業坤

隔離中獨自開P過31歲生日吳業坤：我會繼續隨波逐流

坤哥著卡通睡衣趴在床上露出腳板底pose自拍，配合「港女feel睡衣派對」主題。

吳業坤結束日本工作假期回港正在酒店接受隔離檢疫，今日（18日）31歲生日的他也不愁寂寞，昨晚大搞「港女feel睡衣派對」為自己慶祝。他在社交網站上載「生日會」相片，見到玻璃窗貼上手寫的「31才（歲）KwanGor Happy Birth Day」紙皮，更換上卡通睡衣並趴在床上露出腳板底的「港女Feel」pose自拍，十分配合主題！

坤哥更以長文自勉，他寫道：「試過一班人去唱k比（俾）人查身分證過生日試過係（喺）拍劇過生日一齊食pizza 試過係（喺）紅館過生日一齊rehearsal 今年試係（喺）隔離中一個人過生日（搞埋港女feel睡衣派對）三字頭之後既（嘅）路應該點行呢半年好似搵到我會繼續隨波逐流不過果（嗰）個『波』開結會係自己個波想慶祝既（嘅）時候就算橫風橫雨都可以一個人笑著起舞（隔離中的感受）」。坤哥自言一向給人印象如「大細路」，稍後會嘗試男人路線，更笑言：「我放棄治療你由我一晚啦」、「希望唔好醉到行左（咗）出門口比（俾）人拉入隔離營」。