張雷除了跟華仔在劇中見一次打一次，還一起去新加坡登台，場面虛冚。
著名特技演員張雷作客楊盼盼主持的香港開電視《盼你賞面》，盼盼姐炮製「紅燒豆腐」給茹素30載的張雷品嚐，令張雷大讚菜式似藝術品。
入行逾40多年，張雷自小習得一身好武藝，由龍虎武師出身，在機緣巧合下轉戰幕前，在70、80年代拍攝過《C.I.D.》、《神鵰俠侶》、《天龍八部》系列等多套劇集，同時亦擔任多齣電視劇的特技人，其中《神鵰俠侶》的金輪法王角色，更令觀眾留下深刻印象。
張雷憶述：「當年做金輪法王，記得拍攝時，夏天好熱，（劇情）我要帶蒙古兵打中原，蒙古兵要列隊，點知一個一個咁中暑暈低，於是我就諗『真係咁熱咩？』，我又企出去一陣試吓先，企一陣真係眼前一黑，原來當時氣溫係41、42度；拍攝好玩，同華仔（劉德華）見一次打一次。」張雷續說，演罷金輪法王後，他與華仔到新加坡登台，笑言感覺好似當年The Beatles來港一樣，步出機場時，被好多人圍着，場面噓冚。
盼盼姐炮製「紅燒豆腐」給茹素30載的張雷品嚐。
心繫飛車特技的張雷，參與過多套電影特技拍攝，其中最為人熟悉的是電影《最佳拍檔》的特技畫面。他說：「參與過好多集嘅《最佳拍檔》，發覺撞車戲，觀眾會鍾意睇啲靚車撞，所以專登喺加拿大訂啲靚車嚟撞。」此外，張雷經常將飛車特技技術傳授給徒弟，問到張雷對徒弟的挑選準則？他表示：「要有基本技術及基本膽色，但又唔可以過龍，過龍又會容易出事，反而要怕死、冷靜先要。」
張雷分享對徒弟的挑選準則。
來源 source: http://eastweek.my-magazine.me
|
鍾意就快D Share啦！
|
|
|
