大陸當紅女星楊冪樣貌同身材一向都被人羨慕，連阿爸都好Proud of阿女，不時喺社交網上載舊照讚楊冪，獲唔少網民讚天生靚女，但亦曾被質疑整容！最近佢嘅最新廣告再次引起網上討論佢嘅容貌，指佢鼻孔一大一小，雙目無神，面部僵硬不對稱仲凹陷，影響埋嘴形，無論係片段截圖定動態都感覺怪怪，並留言「冪冪的顏值是不是愈來愈崩了」、「認不出來」、「鼻子好可怕」、「天啊，她怎麼像個假人」！
不過亦有唔少網民力撐楊冪，覺得只係P圖太過火，「這動圖還好吧，鼻子那裏是角度和打光問題，楊冪鼻子本來就比較特別一點」、「狀態挺好的，有甚麼問題嗎」、「很漂亮身材真好」、「隨意截個圖就開黑」！
而今日楊冪晒出三張畫作，留言：「3幅畫藏着一個需要解開的謎題#密室大逃脫接力解謎」，畫中係一位披住長髮眨眼嘅少女，3幅畫睇落都係一樣，雖然唔少網民都唔知佢講咩，但都激讚佢畫功高強呀！另外，日前佢嘅工作室上載咗輯楊冪睡衣照，其中一張佢着上黑色透視喱士內衣加配外套，若隱若現，非常性感，網民話流晒鼻血了！
來源 source: http://hk.on.cc
|
鍾意就快D Share啦！
|
|
|
