歌手李明蔚在2012年患上罕見的鼻咽腺樣囊性癌症，多年來積極抗病，惟本月4日終不敵病魔離世，終年31歲。家人今日（27日）下午為她假聖安德烈堂舉行安息禮拜，儀式結束後奉柩鑚石山火葬場火化。教堂門外及入面擺放住明蔚喜愛的粉紅色花圈，其中圈中人古天樂、張衞健、周慧敏、「大小姐」林淑敏、周嘉莉、麥貝夷、李蘊等亦有送上花圈致哀。1時多靈車到達，運送粉紅色靈柩入教堂，見到教堂入面擺放住明蔚戴住粉紅色及白色花環微笑的遺照。
林淑敏、麥貝夷等人來到送別明蔚，其中全黑打扮的林淑敏眼紅紅，表示2人因同是病友而認識：「我哋識咗7、8年，佢好勇敢。」她又記得有次幫手搵人登台：「我介紹佢畀人，個客好鍾意佢，雖然佢病緊，但都想繼續唱歌，佢真係好堅強、勇敢，記得第1次見佢係病人聚餐，見佢咁後生，仲以為陪屋企人嚟，佢好靚。」但她表示近年因為工作忙碌，故2人少見了：「有時會電話聯絡同社交平台互like，知佢辛苦，有時狀態唔係幾好，但佢都唔想大家擔心，今次嚟係問候佢屋企人。」而馬浚偉早已到達教堂打點，儀式上他獻唱詩歌及唱出明蔚的歌曲《交換愛情》。
約3時半儀式結束，工作人員搬靈柩及遺照上車。眾人開始離場，見到馬浚偉攞住場刊不發一言離開。而明蔚爸爸離場時向記者揮手鞠躬，跟大家講：「辛苦晒、多謝晒！」，再出發去火葬場。
來源 source: http://hk.on.cc
|
鍾意就快D Share啦！
|
|
|
