【天長地久】故事傷痛淒美楊淇怕爆喊 白只拍戲被定型破格演慘情戲
游學修、楊淇、DJ當奴、白只、朱栢謙等主演，改編自小說《甚麽天長 怎樣地久》的舞台劇《久天長地》於9月24日在演藝學院開始演出，日前眾人齊集拍攝海報。白只今次轉做慘情戲：「其實我舞台劇界一直都係做喜劇，但係自從拍咗電影畀人定型我係好陰沉嘅人後，連今次舞台劇都要做慘情戲，不過叫做有得做正經戲，一嘗心願」
近期他不停演出舞台劇，笑言自己不是「轉行」：「咁我都係舞台度出嚟嘅，只係中間走過去做音樂，得閒又去吓做電影，呢個時勢有劇搵我，梗係返翻嚟『屋企』其實𠵱家我都做緊幾個騷，尋晚我排劇排到半夜，之後趕嚟呢度影相，影完就要即刻返去排戲。」
而女主角楊淇就率先劇透，自爆角色要死足幾次夠晒淒美：「因為故事都有穿越成份，所以都預咗要死足幾次，其實今次個劇本都『慘慘地』，不停要我哋勾返起痛嘅感覺，我都擔心排戲會喊到收唔到聲，加上做舞台劇係現場對住觀眾，如果要心痛到晚晚流眼淚，咁就真係演技大考驗。」
未埋位前眾人有講有笑，但當奴不時「愁眉苦面」未見太興奮：「我唔係緊張，只係監製要求我哋比一個『最痛』嘅表情出嚟，咁我哋呢啲『偶像派』淨係『Chok』開，加上平時做節目都係帶歡樂俾人，好少要個慘樣示人，所以埋位之前都要時間入吓戲。加上今次啲拍檔個個都係戲精，自己都要閉關練吓。」
同場的游學修型格上陣，很快投入痛心嘅情緒，他指同劇演員夠晒份量，舞台上交流過足戲癮：「因為今次大家關係都好Close，好似我同白只係校友，導演係白只演藝學院嘅老師，監製又係演藝大師姐，喺前輩面前更加要打醒十二分精神！過去一年我投放比較多嘅時間喺網媒度，呢次重踏台板感覺都有啲啲唔同，但作為表演者係享受觀眾即時畀你嘅反應，所以好想快啲到九月開騷。」
監製張珮華指最早鳥預售反應甚佳，觀眾「餓」了頗長時間，對公開現場表演甚為期待，加上這次演出故事、劇本同演員都很紥實，團隊上下有默契，公佈演出之後收到大量內部留票，所以信心十足，決定優先訂票加開兩場。
|
鍾意就快D Share啦！
|
|
|