藝人薛家燕尋日（29日）傳出喜訊，指其首名內孫平安健康出世，榮升嫲嫲，今日更兌現承諾公開BB性別！見她上載興奮抱孫照，及仔仔與新抱一家三口全家福，並發文表示：「Hello大家好，跟大家介紹一下我的孫仔Julian，他5月26號出世，出世時重7磅半，非常感恩在這疫情下順利健康出生，母子平安，我和家人都很開心，也萬分感謝傳媒和朋友們的祝福，再次多謝大家，也祝願大家身體健康，開開心心。」
今午她與兒子石耀庭在港安醫院見傳媒分享喜悅。家燕姐受訪時笑言：「佢好大隻，個樣就似爸爸，酒窩就似我，佢出咗世我成個人都安樂晒，之前心情又興奮、又緊張，佢出世前一晚我都瞓唔着。」石耀庭指還未為兒子改中文名，英文名叫Julian，名字較斯文，希望將來會乖一點，他笑說：「個仔把聲似我阿媽，喊起嚟夠晒響。」
家燕姐透露6月份會盡量減少工作湊孫，現時抱起孫兒也捨不得放低，她笑說：「BB好健康，食得瞓得，見佢喊抱起佢就唔喊，我問醫生係咪認得我，醫生話冇咁快，扭抱啫，佢哋叫我可以唔使抱咁耐，但係我邊捨得放低，我又唱《皆大歡喜》畀佢聽，佢就擘大隻眼仔笑，好識氹我開心！」問到可有學餵奶，她笑說：「BB食人奶，所以我冇得餵，都請咗一個24小時陪月幫手。」
來源 source: http://hk.on.cc
|
鍾意就快D Share啦！
|
|
|