肥仔@ERROR同拍拖8年初戀女友分手 結婚傾唔掂數：我過唔到自己嗰關，希望事業有成先
- 發布日期：2021-05-27 00:01
已複製
現年31歲的ERROR成員梁業（肥仔），跟初戀女友阿芬拍拖8年，一直揚言儲錢結婚。當大家以為他們打風都打唔甩，近日阿芬卻突然在個人facebook公布「分訊」，並tag了肥仔，留言：「對不起，我已和 Leung Yip（肥仔）分開了，最近收到好多大家對我哋嘅祝福，我們會將一一轉化成鼓勵。」
她更指：「因了解而分開其實也算是在感情路上最好的結果，我倆彼此也會在心裡互相好好祝福。」
最後她希望大家繼續支持肥仔，支持ERROR，「讓他們為香港人煩惱繃緊的生活帶來幽默。」
曾分開又復合
曾分開又復合
肥仔和阿芬識於微時，當年是在舞蹈學會認識的，肥仔曾說因為自己貪玩，又鍾意打麻雀，所以跟女友曾分開一段時間，然後再復合。失而復得，他很珍惜這段情，一直視阿芬為結婚對象。參加《全民造星》時，他笑說：「我成日叫姜濤退賽，畀嗰100萬（《全民造星》獎金）我啦，我可以儲啲錢將來結婚吖嘛。」
講到錢感觸落淚
講到錢感觸落淚
本身任職舞蹈教師的他，在阿芬支持下參賽追夢，但他入行後工作愈來愈忙，眼界和目標已不同了，二人漸行漸遠。上月他接受陳志雲訪問時，表示入行兩年多，仍未能賺到錢養家，對父母感到愧疚，一時感觸，落淚人前。他坦言：「我未必賺到好多錢，但一直好想帶佢哋去旅行，依家只係喺屋企食吓飯，想令佢哋安享晚年。」
其實當時他跟阿芬的關係已陷入困局，談到經濟壓力，想到理想與現實的落差，百感交雜。
陳志雲即場開出「誘因」逼婚，表示願意免費做婚禮司儀，在分手邊緣的肥仔只好笑說：「好勁嘅助攻，好進擊！但我過唔到自己嗰關，希望事業有成先（結婚），依家還可以，但希望可以再好啲。」陳志雲繼續苦苦追問婚期，肥仔無奈地說：「唔好講呢啲」實在有口難言。
自認非稱職男友
自認非稱職男友
過往阿芬跟他很sweet，肥仔曾說：「我都有問佢點解鍾意我，佢話鍾意我夠真一面囉。就算唔係對佢，對身邊朋友都係好真誠，佢就鍾意我呢種感覺。」他曾在ig留言冧阿芬：「雖然我唔係一個好稱職嘅男朋友又成日激親你，不過冇人係完美嘛！好在有你喺我身邊慢慢改變我，我會繼續去愛你去錫你，原諒我嘅蠢原諒我嘅傻！」
平日不論在台上台下，有肥仔的地方總有笑聲，他自言：「我嘅宗旨就係帶正能量畀大家。」這次他也把悲傷留給自己，繼續人前歡笑，「娛樂圈就係娛樂人，我表演嘅同時，都好開心同抒發緊自己情緒。」
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|