數年前，被指世界級港女杜如風帶大家遊日本，在鏡頭前零扮嘢真我流露，隨即成為城中熱話。
事隔數年，她接拍了ViuTV的真人騷《中女唔易做》繼續做自己，對被派做網上超市倉務員及外賣速遞員，她表示意外：「最初覺得一定係搵我賣衫，因為我經常介紹買衫，所以希望係同賣衫有關，點知完全唔同。」不止不擅長，她還十分坦白：「同我以前拍開嘅節目係完全唔同，以前係吃喝玩樂，今次拍呢個節目係要返工嘅，成世人都未做過呢啲工作。」
- 杜如風於07年為無綫主持《流行東京》開始，為人認識。
- 曾於日本讀書的杜如風，對當地很熟悉，由她主持的旅遊節目，都很受觀眾歡迎。
- 杜如風在 ViuTV的真人騷《中女唔易做》中，對被派做網上超市倉務員及外賣速遞員。
第一日開工，杜如風要去貨倉執貨，一般倉務員只需三分鐘時間，結果，杜如風用了十八分鐘，打破了公司最慢紀錄。
「如果嗰度係我經常去買衫嘅連×佛百貨公司就好喇，我就一定記得，邊件衫擺喺邊度邊一層，但要記超市貨品真係搞唔掂。」執完貨更要馬上去送貨，杜如風直言很辛苦，是「mission impossible」，因不像在日本行街shopping，無論行多遠多久，對她而言都是無難度。
「嗰貨倉喺西營盤，我一生人都未去過西營盤，亦唔知道响邊度。用Google Map去搵，心情已經好亂，啲貨又重，期間又要問途人，所以送唔到貨嗰一刻係好激氣。」她笑言。
話明真人騷節目，當然要夠「真」。
原來為要完成這個柯打，杜如風拎住兩支大水、一支大花生油、一包大米的杜如風，最後未有理成本，做伸手牌截的士。
「一行出街我就截的士，因為唔知目的地响邊，啲貨又重，所以都係選擇截的士。嗰次送貨賺咗一蚊，的士車費要二十六蚊，而送一次貨有二十七蚊收，都叫做賺咗一蚊。」她又補充：「當時工作嘅感受只係玩票性質，唔需要日日返工，所以都覺得幾新鮮、幾有趣，至少唔會悶，但如果每日都咁樣做嘅話就真係搞唔掂。」
相比小儀在同一節目做農夫，曾飛去不丹做過農夫的杜如風有感而發：「的確真係好辛苦，因為好曬，雙腳又踩住泥，唔係怕污糟，而係行得好論盡。」另外，對趙學而任電器售貨員，杜如風自覺被派執行的工作比較容易：「因為學而做電器售貨員，又要知道幾時做推廣、幾時有信用咭積分優惠同折扣，佢都話有好多事情要記，我諗呢啲真係搞唔掂，所以執貨送貨會簡單啲。」
採訪：肥A
攝錄：Eddie Cheng
協力：晴晴
場地提供：鮨夢（灣仔麥加力歌街13號）
髮型：Ken @ ii Alchemy
化妝：Jenny Tziong
- 小儀在同一節目做農夫。
- 杜如風曾於不丹做過農夫，處女下過田。
- 落田插秧，杜如風雙腳滿是泥。
- 趙學而在節目中做電器售貨員。
- 杜如風性格率直，在鏡頭前零扮嘢真我流露，是得到大家支持的原因之一。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|