藝人黎諾懿晚上與新劇《刑偵日記》拍檔袁偉豪及黃智雯等，現身《開心大綜藝》宣傳，對於太太懷孕，諾懿受訪時獲記者連聲恭喜，他帶笑說：「適當時候會話畀大家聽，不過恭喜唔嫌多。（咁幾時先講得？）差唔多喇，依家諗緊用乜嘢嘅方法公布，知道大家都關心胎兒性別，我會1次過講。」
問到是否今年最好的父親節禮物，他只說大家都期待BB的來臨，至於兒子小春雞是否意識到自己就快做哥哥？諾懿坦言：「我諗要等太太肚皮開始大，慢慢同佢心理輔導先，希望佢會錫個小朋友啦。其實我哋以前都成日問佢想要妹妹定細佬，問咗咁耐好似玩佢咁。」
諾懿坦言今次無論生仔定女都決定「兩個夠晒數」：「唔係錢嘅問題，我覺得係教嘅問題，對我嚟講生兩個就最Perfect，監管同陪伴都容易啲，好似依家湊小春雞，我放假仲忙過開工。當然如果再有『意外』就唔敢講啦，但係依家我覺得兩個夠嘞。」
來源 source: http://hk.on.cc
|
鍾意就快D Share啦！
|
|
|