雖然香港作為國際大都會，不過唔少人都遇上「土地問題」，買樓難估唔到租屋一樣容易遇上種種問題。今次就有一位港男網上發文「唔續租，業主自己開門比人睇樓，有冇得搞？」，希望尋求「取暖」，不過結果就俾一眾網民鬧爆！到底點解呢？
港男網上發文求取暖反被鬧爆！？
有港男網上以「唔續租，業主自己開門比人睇樓，有冇得搞？」為題於香港討論區發文，直指自己向「遠房親戚」租下現時單位，剛剛轉為「生約」不過打算不續租所以提早通知業主。不過「遠房親戚」業主竟然在自己未有被知會情況下，擅自開門帶人上單位睇樓！
港男投訴原文：
業主係親戚啲親戚，屈埋手指尾都係遠房親……
因為之前有份工同屋企有啲遠，咪搵下公司附近有乜租盤，最後都係親戚介紹就租咗家下個單位。
咁準備轉工，信都遞埋，咁啱四月又轉咗生約，所以早少少同業主講唔租，都準備緊搬啲嘢返屋企先。尋日返屋企嗰時，樓下個看更問我係唔係要搬，我問佢點知，因為我都未同人講。
然後佢同我講，話業主今日帶咗兩個人上去睇樓，但係業主從來冇同我講過……之後我咪返屋企睇下有冇乜唔見，檢查完之後就打比業主，即係我親戚個親戚問佢係唔係帶人上過嚟，
佢話係，我咪開始發火，老實講，冇其他人係屋企，佢帶啲乜人上嚟冇人知，隨時拎走我啲嘢都冇得追，真心有冇搞錯！！但係佢冇道歉不特止，仲同我講，大家一場親戚冇得計啦，反正都冇貴重嘢係度乜乜乜
業主真係可以隨時帶人上租客度睇樓乜？就算係商舖都唔會直接行入去睇啦下話……
雖然港男未搬走，不過業主經已未有通知港男情況下就開門入屋帶人睇樓，而且更是樓下管理員通知方知到原來曾有人入屋。檢查完家中有沒有財物損失後港男雖然即時打電話向業主發火，不過「遠房親戚」業主不但無道歉，更以「大家一場親戚冇得計」回覆港男，令港男嬲爆上網求取暖。不過一眾網友得知事件後，竟紛紛鬧爆港男：
網民：業主入屋犯唔犯法？
雖然大多數人都笑中帶罵指港男「租屋唔換鎖」，不過另一方面，亦有網民表示「其實親戚業主經已犯法」，但亦有網民表示「業主入屋邊到犯法」引起新一個爭議：
來源 source: http://www.nmplus.hk
|
鍾意就快D Share啦！
|
|
|