音樂人趙增熹今日出席藝術展覽活動，指私下沒有收藏藝術品，但閒時都有去睇展覽，有助取創作靈感。講到他於無綫歌唱比賽節目《聲夢傳奇》，以評判身分狠批學員，他表示：「都係做番平時做嘅嘢。（驚唔驚傷害到佢哋嘅弱小心靈？）咁就講聲唔好意思！因為得好少時間講嘢，直接啲盡快講。」問到看好邊位學員？他笑說冇心水：「畀我睇好嘅都未必跑出！無謂搭沉船不過女仔（質素）強啲。」
他又謂因為現場沒有觀眾，只得導師加25名評判，環境設定會令學員難以發揮，上台唱歌感覺似考試，甚至似行刑：「評判25對眼睇住佢哋點死咁！又唔會拍手畀掌聲支持，有觀眾會好啲。」講到導師衛蘭及Gin Lee（李幸倪）曾自爆因Foul學員被網民鬧爆，他坦言不知情：「我做完就算㗎喇！咁我有冇畀人鬧？我都冇睇，哈哈！」
來源 source: http://hk.on.cc
|
鍾意就快D Share啦！
|
|
|