憑無綫處境劇《愛．回家之開心速遞》「朱凌凌」一角而人氣急升的吳偉豪，今年5月捲自慰片風波，當時有消息稱他和家人報警求助，今日（18日）他與《愛》劇演員在電視城出席活動，明顯見他狀態不錯。
本來吳偉豪初在後台準備，後來和劇中的「島大」同學一起出場，見他與眾人有講有笑，明顯心情不錯，期間玩遊戲時，樂做箭靶，玩得相當投入，似乎已走出陰霾，並表現大方影相。而自從發生自慰片風波後，吳偉豪一直潛水，保持緘默，有指未有受風波影響他在《愛》的演出，繼續為劇集開工。
活動後吳偉豪接受訪問，被問到自慰片風波事件後，休息了多少天才開工？吳偉豪說：「都Keep住開工，件事交咗警方處理，專注工作。（有冇諗過條片邊度流出嚟？）交咗畀警方處理，唔方便討論。（間接承認片中人係自己？）呢條片係我嚟，其他嘢唔回應。（有冇影響心情？）都冇，因為工要keep住開。（家人有冇鬧你？）冇，都想多謝番呢段時間支持我嘅家人、同事、朋友同FANS。（點解你會拍呢段片？）都唔方便回應。」
記者續追問拍完之後有冇後悔？他說：「都覺得唔應該做。（怕唔怕影響形象？）都唔會，多謝公司體諒。（網上留言比較差，自己會唔會唔開心？）都唔會被影響到，都要專注工作。（短片流出後，覺得好震撼？）都係專注工作，冇乜點諗。（事發後有冇工作被飛？）都唔方便回應。（對於網友批評你『身體』嘅size，你有冇唔開心？）冇放喺心度！（驚唔驚有其他片段？）唔方便回應。（條片係前女友放出嚟？）大家諗多咗，交咗畀警方，唔方便回應。」
來源 source: http://hk.on.cc
|
鍾意就快D Share啦！
|
|
|