2021年6月4日星期五

一家三口玩SPIDEY RIDE超興奮陳冠希玩到係咁講Oh Shxt #陳冠希

一家三口玩SPIDEY RIDE超興奮陳冠希玩到係咁講Oh Shxt

陳冠希排隊玩SPIDEY RIDE好興奮，仲叫女友及囡囡扮蜘蛛俠射出蜘蛛絲。

40歲的陳冠希(Edison)自從有個女Alaia後，IG愈嚟愈多囡囡相，亦唔介意Po女友秦舒培合照公開晒恩愛，香港人記憶中好鍾意影相嘅暴躁壞男孩終於修心養性。不過，日前爆出一段16年Edison網撩內地女生的對話，當時Son哥女友秦舒培正懷孕中。Edison對此未有任何回應，尋日仲一家三口率先試玩加洲迪士尼樂園的漫威主題園區，由入場到玩到玩完都表現興奮。

迪士尼樂園的新漫威主題園區「復仇者校園」今日正式開放，Edison一家尋日獲邀率先試玩。Edison拎住特別入場券非常Hyper，佢不斷Po相記錄呢個第一次，又自拍又影園區，排隊玩SPIDEY RIDE時仲以「My Queen 」嚟介紹女友秦舒培，穿上粉紅睡公主裙嘅4歲囡囡Alaia同媽媽都好開心，仲聽Edison講扮蜘蛛俠射出蜘蛛絲。以傳媒身份入場的Edison好忙，因為佢一邊玩遊戲一邊拍片。全段片6分35秒，由Edison排隊到上遊戲車到開始玩，其間不斷聽到Edison興奮大叫oh Shxt，未曾聽過Son哥咁興奮，都幾好笑。