第一代「謀女郎」、國際巨星鞏俐喺兩年前秘嫁大自己17年嘅法國電子音樂大師Jean-Michel Jarre後，過住幸福嘅少奶奶生活，曾經講過對鞏俐一見鍾情嘅音樂大師，被傳當年向鞏俐求婚時嘅「愛的宣言」係：「我年賺1億，可以給你幸福。」不過當時女方絕情拒絕，原因係大美人經歷過離婚，所以只想拍拖，唔想再被一紙婚書綁死。點知音樂大師就諗錯隔籬，以為鞏俐嫌佢年紀大、機器壞，所以先唔肯嫁，正所謂「人老精、鬼老靈」，後尾畀佢諗到條絕世好橋，終於可以贏得美人歸。
呢條絕世好橋，唔係話要買最貴嘅非洲之星嚟打動芳心、表現誠意，而係走去醫院使幾千蚊攞張驗身報告，證明自己身體好，條命起碼到95歲以上，一定可以愛多鞏俐起碼20幾年，而呢招果然奏效，完全打動到唔貪慕虛榮，兼且已經好有錢嘅鞏俐，當佢見到男友拎住張驗身報告嚟同佢求婚時，真係唔知好嬲定好笑，不過男友可以為自己花盡心思，又真係好冧豬，所以佢都打破自己對婚姻恐懼嘅心理關口，又笑又喊咁點頭下嫁。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
