藝人蒙嘉慧（Yoyo）自2013年同鄭伊健結婚後一直過住幸福生活，今年初獲老公打本過百萬喺福岡開設房地產公司，主打物業管理及移民等服務。因為疫情關係，早前佢結束咗香港嘅辦公室改為網上經營，唔知係咪時間多咗，佢喺網上直播做運動時露出肚腩仔！而成個直播最驚喜嘅地方，就係伊健突然現身，不過佢好似「賭神」咁，只係得個背脊，見佢企喺度睇風景，Yoyo好鬼緊張，遮晒鏡頭，唔畀伊健入鏡。
Yoyo聯同拉筋專家K Sir示範唔同動作，期間更做到跪晒地，真係好認真，素顏上陣嘅佢身形明顯發福，其中一個動作係揸住條柱拉筋，件衫自然縮起，搞到個肚腩仔走咗出嚟見人，就連佢自己都忍唔住話：「好大個腩呀！大家當冇睇過。」而K Sir搭訕：「大家洗眼！」Yoyo即時扮起腳踢對方，唔少網民睇完佢個肚腩仔後，都留言話佢啲幸福肥出晒嚟。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
