一年容易又港姐，今日（5日）《2021年度香港小姐競選》28位入圍佳麗將會首次公開亮相見人，之後佢哋就會接受連串特訓，以應付選美時嘅唔同環節，當中最難搞嘅都要算得上係問答環節，咁多年嚟唔少佳麗被問到口啞啞，兼答非所問出晒醜，其實視后佘詩曼1997年參選港姐玩問答環節時都出過事，答5題錯足4題，不過佢靠兩招放輕化解尷尬情況！
當年係由陳百祥做主持發問，以火紅色泳衣上陣嘅阿佘，就要估吓內地中文縮寫嘅意思，好似「手電」、「計生」、「高知」同「人大」等，佢就分別估係手提電話、計數機、高姿態同人大代表，除咗最後一個答啱其他都答錯，當時嘅正確答案係「手提電筒」、「生育計劃」、「高級知識份子」，雖然錯到咁，但阿佘全程都可以保持笑容，兼且答嘅時候明係靠撞，個樣都好有自信，呢兩招睇落容易，做起上嚟其實超難，一班師妹真係要學吓嘢。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
