內地女星楊冪同劉愷威分手後，曾多次傳出撻着魏大勛，但最近喺訪問中，佢提到好鍾意「斯人若彩虹，遇上方知有」呢句說話，仲表示「我也在等待着我的彩虹」，似乎暗指已分手回復單身！話口未完，網民就話除咗魏大勛，其實楊冪身邊仲有一男子同佢好襯，封佢哋做「冪倫CP」，究竟係何方神聖？
佢就係曾與楊冪參加綜藝節目《密室大逃脫》嘅鄧倫，兩人喺節目上有唔少親密互動，原本好細膽嘅鄧倫竟勇字當頭帶頭衝出去，此舉引來楊冪大讚，不過搞笑嘅係鄧倫堅持冇幾耐就縮沙，成個人嚇到震，兩人仲驚到互相依靠，更被發現不時擁抱，雖然並唔係情侶間嗰種親匿舉動，但只以令網民覺得好甜美，紛紛問：「這真是要談戀愛了嗎？」雖然鄧倫比楊冪小8年，又係「姊弟戀」，但勝在夠高大，顯得楊冪嬌小，少女感十足，毫無年齡差距感咁話！
鄧倫雖然只有28歲，但憑住帥氣外表及出色演技成功上位，2019年首次打入福布斯中國名人榜，位列第21位，社交網坐擁粉絲逾4千萬，人氣唔輸畀楊冪！
本文作轉載及備份之用 來源 source: http://hk.on.cc
|
鍾意就快D Share啦！
|
|
|