谷婭溦親述事發經過。
東網接獲獨家消息，女歌手谷婭溦昨(12日)到醫管局轄下的馬鞍山家庭醫學中心欲接種新冠疫苗，卻打「空疫苗」！據了解，現場護士未有留意，將「空針」刺入手臂，及後見到針筒內沒有疫苗液體便立刻抽出。有指，現場護士其後再為她接種疫苗，惟當事人稱不適，被送到威爾斯親王醫院治理，現已出院。
谷婭溦對於發生注射疫苗的醫療事故，她接受訪問時詳述過程，指昨日（12號）到馬鞍山家庭醫學中心注射疫苗時，護士在其手臂落針時，感到極度痛楚，即時痛到慘叫，該護士及後才發現針筒沒有疫苗，護士再幫她注射另一針，但其後出現暈又嘔的情況，醫學中心報警，安排救護車送她往威爾斯醫院進行身體檢查，但因醫院病床缺乏，故只可以躺留在走廊位的病床上，入院期間有警員落口供，之後她覺得身體無大礙，已出院回家休息，打算之後再入私人醫院再作全身檢查。
不過她對於護士人為造成的醫療失誤大表不滿，力斥護士沒有醫德，一定會保留追究權利控告肇事護士，她說：「下午2點鐘到醫療中心，打完針係2點55分，發現佢打『空針』後，我覺得好痛就『呀』一聲，我就問個護士，先發現支針冇藥水，嗰一刻我好嬲又好驚，我係最嬲，佢（護士）立即喺同一位置、同一個針窿，幫我補『第二針』落去，當下佢以為我唔知，但我已經知道因為我痛，佢當時係想掩蓋佢嘅自己犯嘅誤會，期間護士長有過嚟了解同安慰我話冇事，之後護士就『趕』咗我同圈外兩位朋友走，我哋就要求佢哋幫我call白車，4點鐘左右上車送院，期間我發覺打針嗰隻左手，開始發覺左手及左腳開始麻痹同郁唔到，左頸後有『抽住』嘅感覺，又開始嘔，又頭暈。」又說下午4點半到達威爾斯醫院時，該院醫生亦表示都擔心「打空針」會影響其神經線出現問題，問到現時的情況，她說左手有麻痹，左腳可以再郁動，不過就覺得「好暈」、「好虛」。她強調今次事故全部人為錯誤，希望各界注射疫苗時要自己也多也留意：「打針前，多數都會彈一吓支針抽番啲空氣出嚟，但護士冇呢個動作。」她又說曾諮詢過醫生朋友，她被「打空針」，後果可大可小，最嚴重可能會死亡，她說：「我尋日差啲就死了！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|