現年60歲嘅「周星馳愛將」李健仁（如花）2019年於內地深圳中風，引致半身癱瘓兼失語，當時生命懸於一缐，須接受開腦手術清除瘀血保命，其後又併發肺炎，後來返港接受治療，現已逐漸康復。
最近佢中風後首度現身，雖然身形明顯瘦削，但精神不俗，原來3個月前經好友田啟文（田雞）介紹下，積極到接受物理治療，目前進展良好。影片中，李健仁喺物理治療師指導下做增強肌肉運動，亦見佢撐住拐杖、一步一步向前行，表現積極，治療師亦豎起拇指作鼓勵。
李健仁太太Ida透露佢瘦咗80幾磅，中風後最初情況唔理想，大小二便不能自理，起初因口齒不清難以溝通，會向自己發脾氣，現時能自理感到心足。佢又指雖然老公仍未能清晰說話，但可慢慢步行，情緒亦有好轉，平時靠手勢示意，望自己能一步一步站起來，希望有機會再拍電影。兒子李卓衡知道演戲係爸爸心願，希望佢保持心中團火，努力接受治療，復康後再於銀幕上與觀眾再會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|