代表無綫飛往東京採訪奧運的奧運主持之一陳約臨（Kelly），全程緊貼直擊香港「劍神」張家朗摘下香港史上首面奧運劍擊金牌的歷史性一刻，當張家朗被大班記者包圍訪問得獎心情時，可能Kelly太興奮，一連串問題狂問：「食過乜嘢」、「你係香港人驕傲，你有咩想同香港人講？」、「我我我我真係好鍾意你，點算呀？」、「你一陣會做啲咩？」、「我睇到流晒眼淚！」、「我要改口叫你金家朗，得唔得？」、「香港市民問我想做啲咩，我送飛吻俾你，但依家有social distance（社交距離）！」機關槍式問題，加上如粉絲般的興奮情緒，令張家朗當場招架不住，只是不斷點頭，想回答時又被她打斷，全程只能說「謝謝」等簡單回應。而Kelly的訪問方式即被網民狂斥離地，有不尊重場合及張家朗之嫌！
身在日本東京的Kelly接受東網訪問，她說：「我唔覺得我問嘅問題唔專業，因為我知張家朗比賽咗12小時，除咗問佢得獎心情外，我覺得佢食過咩食物嚟保持體力呢個問題都好重要，我只係想問得細膩啲，其實我喺2017年都已經做體育節目主持，嗰時已經好留意張家朗，到呢一刻為止，我都會堅持咁問，呢個問題都具重要性嘅。」
雖然Kelly咁樣講，不過網民似乎唔多接受，不停喺討論區洗版式狂批，指佢把聲好煩、問題冇質素，只有佢講，冇張家朗講，到張家朗講時又打斷人，完全冇理會支持張家朗嘅廣大市民感受，又有人鬧佢「完全冇職業操守」，以為自己做緊《東張西望》。網民留言：「依家張家朗贏定你贏？」、「你咁X感動企埋一邊喊」、「成日打斷張家朗講嘢，問題低質！」、「係咁尖叫！想點？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|