2021年7月1日星期四

唔介意黃德斌愛「田田」　麥明詩晒咀嘴照向Edan宣示主權 #麥明詩 #黃德斌

唔介意黃德斌愛「田田」　麥明詩晒咀嘴照向Edan宣示主權

見近日爭「田」爭得咁過癮，Louisa昨晚也加入戰團爭德斌！

黃德斌近日憑主演ViuTV劇《大叔的愛》人氣急升，劇中飾演地產公司分行經理「KK」的他愛上下屬「阿田」呂爵安（Edan），不但向結婚20年的太太簡慕華提出離婚，仲跟新入職的「阿牧」盧瀚霆（Anson Lo）爭「田田」！一直走型佬路線的德斌今次一改戲路，扮演充滿少女心的大叔，不時在Edan面前做出羞澀的表情，深得觀眾喜愛。

而早前，他又為戚其義監製的亞視網劇《逐流時代》擔正，劇中更與麥明詩（Louisa）發展感情線，昨日Louisa亦一湊熱鬧，加入爭德斌戰團！她晚上於IG貼出與德斌咀嘴照，並留言向Edan「宣示主權」：「我唔介意。btw到時記住留意 #逐流時代」一眾網民紛紛搞笑道：「唔介意佢愛田田？」、「同田田爭KK」、「田田先係佢的真愛，放手吧啦」、「德斌好忙」、「最索嗰啲男同女都俾黃Duck咀晒」等，不少人亦期待《逐》推出。