藝人張栢芝參與嘅內地綜藝節目《讓生活好看2》終於播完，佢曾多次喺節目入面公開講家庭事，無論係幫阿仔搵學校做面試，定係講阿仔拍拖，佢都侃侃而談唔收埋，今次佢更加講到明撐大仔Lucas入行做明星，行媽咪條路。
節目中，有人就問到栢芝如果仔仔同佢講想入行佢會點睇，栢芝就即刻話佢完全唔抗拒，雖然佢想阿仔可以單單純純咁讀好啲書、搵個純情女朋友再簡單咁結婚生活，不過佢都知小朋友有自己諗法：「如果我兒子真的很想去做娛樂圈，比我或者是比他爸爸更好的話，我會百分之百支持他。」聽到在場女星個個點晒頭咁。
佢仲爆料話阿仔冇同佢講過大個想做咩，不過Lucas依家就只係想做一個好人：「他不喜歡傷害別人，也不想要跟人家有鬥爭，反正他想做好自己和想要做的東西就夠了，他不會看人家怎麼去看他。我覺得他這樣子我就已經非常感恩了，他有那麼單純的心態。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|