有「翻版鍾嘉欣」之稱、年僅14歲嘅《聲夢》學員鍾柔美（Yumi），佢喺《聲夢傳奇》跳唱《狂野之城》，收看次數已突破178萬，認真犀利！雖然佢喺比賽中冇名次，但佢嘅人氣只係僅次冠軍嘅炎明熹同「國民初戀」姚焯菲咋！
佢同班《聲夢》學員嚟緊會開音樂會同拍劇，但原來佢喺兩年前，應該得12歲時，佢已經做咗《我不開心》微電影及MV女主角，仲同《愛．回家開心速遞》飾演「KC」嘅歐瑞偉合演父女添。
雖然齣戲唔夠6分鐘，但係Yumi有好多對白又要交戲，為咗撐失意拳手嘅歐瑞偉，對住爸爸時就好溫柔，聽到送拳套畀佢做生日禮物搞到爸爸畀親戚鬧：「你阿爸爸係咪傻㗎？」Yumi就即時好激動，幫爸爸出頭鬧番人，之後仲同爸爸一齊練拳，人仔細細都拳拳有力，笑時仲露出一棚可愛「鋼牙」，唔怪得佢家陣棚牙咁白咁整齊
好多網民留言讚呢位「鋼牙妹」好戲，留言讚：「Yumi打拳笑嗰段有小小似初出道嘅張栢芝，笑得好可愛好純～」歐瑞偉於2年前已經有機會同Yumi合作，真係恨死好多Uncle！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
