今屆港姐準決賽司儀由「大師兄」錢嘉樂帶領無綫4名小生周嘉洛、丁子朗、黃庭鋒及吳偉豪擔任，錢嘉樂表示他們4人之中做得最好的，會有機會順利進級擔任決賽司儀。
4子即時不斷表現自己，先是丁子朗晒口才，一輪嘴介紹，相當口齒伶俐；而曾任「體育主持」的黃庭鋒則如講馬般，被嘉樂笑指他要返體育組；周嘉洛最初係威係勢，笑指自己與嘉樂有很多共同點，同樣是很多港姐朋友，名字讀音一樣，錢嘉樂即笑言：「咦！咁我哋打開電話簿咪撞晒名？」跟着周嘉洛又不斷數人名，如呂慧儀、林凱恩、林淑敏等，緋聞女友蘇韻姿就絕口不提，錢嘉樂即說：「死口唔認好親切嗰個呢？」鏡頭即影着蘇韻姿，周嘉洛說：「哦！嗰個多才多藝、能歌善舞，出咗名精靈活潑同埋動靜皆宜嘅蘇韻姿！」錢嘉樂即笑說：「快啲畀番名分人哋先得㗎！」
而在泳裝問答環節，成功進入16強的佳麗將分組進行Battle，然後被分為優秀區及落後區，吳偉豪示範時，錢嘉樂問他：「吳偉豪你沖涼嗰陣仲有冇攞個電話......」以他之前捲入不雅片事件來開玩笑，周嘉洛即時截停！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
