港姐準決賽丨聞暗交百億新歡即詐傻 何艷娟避談獲支付3億贍養費
《2021香港小姐競選》準決賽今晚舉行，2014年港姐季軍何艷娟以慧妍雅集成員身份到場支持一眾佳麗，她表示睇好4號關楓馨說話流暢、自信有氣質，相信可入三甲，並謂：「本身唔認識關楓馨，只係喺電視上留意到佢。」
何艷娟透露現時主要為慧妍雅集做慈善工作，小休後會拍劇。提到有指跟身家30億的吳志誠離婚，獲支付約3億元贍養費，她說：「報道啫！私人事唔回應。而家想專注喺慈善方面同拍攝工作先。明白新聞想Juicy啲吸引人注意。」問到是否已準備迎接新戀情？她坦言有緣份就OK，更否認有外籍男友，稱已澄清。當追問暗交百億新富商男友傳聞時，何艷娟說：「真係唔知你哋講緊邊個！（某些圈子的朋友較多？）唔係，《愛‧回家之開心速遞》演員都係朋友，好似family，自己有好多唔同類型朋友，唔會某個範疇特別多。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
