藝人張景淳與呂慧儀（長腳蟹）於無綫處境劇《愛．回家之開心速遞》演情侶，劇情已交代他們發展籌備婚禮階段，雖然期間殺入「程咬金」崔錦棠，向長腳蟹展開追求攻勢，幸而伊人內心堅定，斷言拒絕對方。張景淳日前於電視城開工，笑指原定劇本未有寫得長腳蟹如此硬心腸，只是她選擇不給予對方任何機會，問到此舉是否向二人粉絲大派定心丸？他說：「可能係咁，崔錦棠演到好有體育精神，正常畀人拒絕都好氣餒，但佢就好似曱甴咁，搞到我喺旁邊睇都覺得好得意，唔知會唔會因為呢個化學作用，觀眾受落變咗會寫多啲佢哋條線。」
被問到是否想角色延續到有下一代？張景淳笑說：「希望係咁樣，因為近期觀眾開始鍾意睇家庭式嘅劇，現實中我嘅年紀應該有小朋友，所以好多嘢現實中做唔到，可以透過角色去實現，話晒套劇做咗5年，有啲變化都好嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|