Lilian接受《香港01》訪問時表示今次的展覽是一個婚禮的呈現，最主要的目的是宣揚「愛要及時」：「唔單只係愛情，所以會包括佢同女朋友嘅互動、同屋企人喺醫院最後畫嘅畫，最簡單係希望大家記住我哋，記住Jeff生前最靚一面。希望嚟嘅來賓等同參加緊我嘅婚禮一樣，可以同Jeff Say Bye Bye，亦都係對我嘅祝福。」
她透露是次展覽由Jeff離開一刻開始籌備，共用了三個月時間，她坦言過程百感交集：「開頭一定係唔開心，做做下之後會緩下落嚟，因為知道係一個情感治療。我畫嗰幅畫都畫咗三個月，除咗婚紗，幅畫都係自己同姪仔一齊畫，都係一個好好嘅情感抒發，我唔擅長佢擅長嘅嘢，所以呢個係二合一嘅婚展。」
點擊下圖觀看展品：
獻唱主題曲的On仔和釗峰均表示非常感動，On仔說是一份很大的心意：「本來係Jeff嘅求婚歌，我哋點樣可以完成佢呢份心意，代替係一定代替唔到。Jeff嘅朋友，亦都係作曲人Samson，畀咗佢哋去旅行拍嘅片我睇，歌詞有提到片入面嘅細節，我睇完加埋佢兩個真實嘅愛情故事，好投入佢哋嘅愛情世界，錄音嘅時候好感動。」釗峰表示透過這首歌、今次的展覽，以及接觸到Jeff身邊的朋友後，更加認識Jeff的為人：「有啲神交嘅感覺，好似真係認識咗咁，一切都係緣份。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|