感恩每一個曾經傷害自己的人 陳宇琛：呢一行要付出好大嘅努力同堅持
今年是石修之子陳宇琛（Sam）入行18年，昨日他在IG留言，分享自己這些日子在娛樂圈工作的點滴，不過因為想講的說話實在太多，於是乎Sam分了兩部份去寫！Sam表示當日離開了TVB後，他曾經在中大修讀建築碩士學位，同時間亦在一間建築公司實習，雖然當時讀得輕鬆，不過最滿足的生活，原來是在HKTV的經歷：「係好滿足，係我演藝生涯中，第一次真正得到作為artist需要嘅照顧。見返好多TVB 台前幕後並肩作戰嘅舊同事，亦被安排做男一，一套劇接一套，而第一套劇嘅對手係影帝影后。過到新環境，有監製話喺舊公司好想同我合作，覺得我可造性高。台前幕後都有好多溝通，個感覺係大家都有一團火，想創新同製作高質素嘅節目俾大家睇。因為咁我嘅演技有機會突破！」
但日子只維持了兩年便告終：「我決定要靠自己向外發展，向幕後製作埋手，因為呢一個係我鍾意做戲之外，入行嘅初心。起初係圈內朋友介紹由低做起，慢慢身邊有好多伯樂睇到我嘅潛質，鼓勵我開自己公司 - 製作廣告，event，電影。一開公司就已經接到幾個國際性嘅大型廣告同events，但壓力好大，因為我真係零back up。幾經辛苦終於搵到自己嘅世界，生存嘅空間。」
但Sam坦言從未有想過，即使在不同範疇工作，仍然聽到有行家無緣無故話自己本來做電影行業，但無做係因為「你老豆喺呢行」，最後他決定為免因人事複雜而影響了團隊的努力，於是決定付出所有一齊做好project，結果贏盡口碑，直到近年，他又終於可以有機會參與幕前工作：「拍《男排女將》係HKTV拍《四年B班》嘅舊同事推薦我飾演黃金sir呢個角色。我亦好認真去做足功課，感恩大家對黃金sir嘅愛護。開頭有啲緊張，因為好耐無拍劇，希望自己可以發揮得好，可以為團隊同拍檔add value。因為呢幾年幕後嘅工作，自然反應係要照顧大家，所以同台前幕後嘅團隊，尤其係一班年輕人都傾得好投契。」
最後Sam還說：「Life is a marathon, I’m still giving my all to my career and this industry. 感謝大家對我嘅付出，感恩入行18年真心對待我嘅人。曾經傷害過我，當面多次say no 嘅人，我都要多謝佢哋，因為我學識自愛、自強。呢一行嘅路真係非常之難，無論你來自任何嘅背景，成功唔係必然，都要付出好大嘅努力同堅持。You must maintain a very balanced mental state and stay sane. I truly appreciate all the ups and downs in my life. I will keep striving. And may God continue to be my guidance, allowing me to persevere and protect the people I love with His love .」
|
鍾意就快D Share啦！
|
|
|