台灣舞王羅志祥前女友、內地網紅周揚青撻着身家32億人民幣（約38.5億港元）富二代羅昊，依家就齊齊上真人騷《女兒們的戀愛4》放閃，不過好多網友都話佢哋喺鏡頭前未有如願營造拍拖幸福樣，又有傳二人拍節目到一半會分手，點知，好似真係會發生！
最新一集節目中，周揚青同羅昊大玩啤牌，輸家就要被畫臉懲罰，最後羅昊被惡搞畫到塊面花晒，周揚青就猛話好笑，不過男友就無奈話：「我太難了，我怎麼面對鏡頭？」羅昊仲突然背對周揚青講：「我不想動了，你把燈關了吧，我求你了，我都有點難過了。」忍無可忍嘅羅昊又當場直言：「不要拍了！」搞到周揚青意識到「可能我做了一件很傷害他的事」。
但件事仲未完，羅昊竟然話：「你信不信明天早上你可能聯繫不到我？」結果喺下集預告就提到雙方真係一直冇聯絡，當周揚青發訊息後，對方不讀不回，當晚仲收到對方回覆：「我們兩個可能不適合…」9粒字，疑似攤牌講分手。
本文作轉載及備份之用 來源 source: http://hk.on.cc
|
鍾意就快D Share啦！
|
|
|