搣甩8年「冬菇頭」變身OPPA 朱薰囝囝勁滿意開學新髮型
商台DJ朱薰前日（5日）在社交網分享8歲囝囝譚永之（譚仔）的轉髮型事件，她表示在9月開學前已游說囝囝，因為他自岀世光頭之後，一直都由爸爸譚健榮操刀，留「冬菇頭」髮型，不過譚仔聽到新髮型好似好抗拒：「連爸爸都想佢試下轉第啲髮型，不過冬菇仔唔想😱似乎唔想離開個『襟忽鬆』（Comfort Zone）😐但係冬菇仲可以維持得幾耐呢？於是說客（我🤡）岀動，其中一個游說嘅論點就係：『暑假係最適合轉髮型嘅時候喇，因為咁耐冇見同學老師，你有啲嘢唔同咗都容易接受啲，同埋可能有啲新同學根本唔知你個頭以前係點㗎呢？😛』成功游說到阿客仔試一試新嘢，得咗🤩。」
結果不只朱薰和老公，連譚仔亦好滿意新造型：「爸爸好滿意，媽咪好滿意，而佢自己亦都好。滿。意。☺️❤️唯一說客自己捉蟲入__ __ 嘅就係，每朝要幫佢搞搞個髮型😅雖然返學唔會搞太多styling，但係至少都要整返鬆瞓扁咗嘅頭髮🤪以免個頭變咗三角形或者打橫長方形😂😂😂而佢第一日返學有同學問佢係咪起身冇梳頭，點解個頭咁亂🤣🤣🤣🤣🤣。」
譚仔更貪靚到叫朱薰幫手影相留念，她加上心心眼Emoji道：「#你唔笑都好靚仔😍 #阿媽又瘋癲了🤪 #全世界啲仔得自己個仔最靚仔病」。星媽謝安琪大讚：「譚仔好靚仔，阿之媽styling大成功✨」；鄒凱光就抵死問：「鬚根是P上去？」。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|