藝人吳卓羲（Ron）最近忙於為邵氏網劇《廉政狙擊》開工，即使早前9月2日生日亦要喺工作中度過，單身咗一段長時間嘅佢，今日（10日）凌晨4點幾突然喺社交網出Post，Tag咗歌手菊梓喬（Hana），但係就冇任何留言，至今仍未刪發文，即引嚟全城競猜佢哋係咪拍拖！
有網民就估佢係咪想公開戀情，等待佢官宣，仲送上祝福！不過有網民就估可能係張馨予事件翻版，嗰次張馨予「錯用」吳卓羲帳號床照洩蜜，逼使吳卓羲承認佢哋「拍過拖」，而呢次Hana亦係故意用吳卓羲個帳號出Post，目的就係想逼吳卓羲公開戀情喎！而有網民就估佢哋可能只係嚟緊有合作，所以先出Post嘅，睇嚟個事實相信要當事人先知睇番Hana個社交網喺今日（10日）凌晨時分，都有Keep住更新社交網，有網民留言問佢咪同吳卓羲拍拖，不過佢就未有回覆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
